Jan Banemannip qassutikut, angallatit qalissiaat, patruunit uuliallu puukui katersortarpai
- Qassutikut, angallatit qalissiaat, patruunit uuliallu puukui tamani tamaaniipput.
Plastikkit, nerisassat, aaqqatit guumminik sanaat, gummibådet aquuteralalallu, sorpassuit eqqarneqartarput.
59-nik ukiulik Jan Banemann Sisimiut eqqaanni takornarianik angallassigaangami, arferit timmissallu qarlortut kisiisa naammatoorneq ajorpai, eqqagarpassuarnik aamma siumuisarpoq.
- Uggornarpoq taanna isumaqarpoq. Taamaattumillu ukiuni kingullerni sisamani tallimanilu eqqagarpassuarnik immami katersisarpoq.
AAMMA ATUARUK Nassuttooq: Pinngortitamut eqqaannakkat suli pititsisut
- Plastikkerpassuit eqqarneqasimasut takullugit ilungersunartuuvoq. Tamannali kisimi ilungersunartuunngilaq.
Plastikkit sinneri plastikkimineqqat pinngoritamiipput, taakkua aalisakkanit nerineqartarput aqajaqqutsinnullu pisarlutik.
Isumaqarpunga avatangiiserput paarilluartariaqaripput, taama oqarpoq, Jan Banemann taanna suliniutiminut Avatangiisinut aningaasaateqarfimmit 100.000 koruuninik aningaasaliiffigineqarpoq.
Avatangiisinut aningaasaateqarfiup ukiormanna suliniutit 21-it aningaasaliiffigai, Jan Banemannillu suliniutaa taakkununnga ilaavoq.
Kommuunit suliffeqarfiit innutaasullu suliniutaat aningaasaliiffigineqarput. Nunaqarfinni eqqanik suliaqarneq, qarsorsanik utertitsinerit kiisalu inuusuttut kinaassutsimik inerisaasumik pinngortitami katsorsaanerneqarnerinut aningaasaliisoqarluni.
Suliniutinut assiginngitsunut 21-nut aningaasaliisoqarpoq taakkualu otte million koruuniupput.
Piumassuseqarluartut isumassarsiorluartullu
uliniuterpassuit inernerisa takunissaat qilanaaralugit Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund oqarpoq:
- Avatangiisinut suliniuterpassuarnut maannakkut tapersiisinnaagatta nuannaarutigisorujussuuara. Ilungersuussisunik pitsaasunik isumassarsialinnik suliniuteqarumasunik akisussaassusilinnillu akornatsinniittoqarnera, inuiaqatigiinni mingutsitsinnginnerusup tungaanut ineriartortitsinermut pingaaruteqarpoq, Kalistat Lund tugassiuutinut nalunaarummi taama oqarpoq.
Jan Banemann Sisimiuniittoq neruppoq, pinngortitap pitsaanerusumik paarineqarnissaannut isummersueqataasinnaalluni.
- Inuit mississuilluartariaqarput. Pinngortitamiitillutik puussiamik eqqakkanilluunniit katersuiviusinnaasunik nassarnissartik eqqaamasariaqarpaat. Tamattami taamaaliorutta iluaqutaasorujussuussaaaq, Jan Banemann oqarpoq.
Avatangisiinut aningaasaateqarfik 2018-mili suliniutinut assigiinngitsunut aningaasaliisarpoq.
Aningaasaliffigineqartut uani takuneqarsinnaapput
