Japanimi corona kingorna takornariaqarneq aatsaat ammaanneqaqqippoq

Nunanut piffinnullu 68-inut marlunngorpamiit visummeqarnani isertoqarsinnaalissaaq.

Allattoq Ritzau

oktobarip 11-at 2022 09:15

Japanimi corona pissutigalugu sakkortuumik killilersuinerit ukiuni marlunni ukiullu affaani atuutereersullu, Japanimut takornariat tamarmik ullumikkut marlunngornermi ammaanneqarput.

Takornariat amerlanerusut Japanimut tikittalernerisigut, Japanimi aningaasarsiornerup maanna ilungersunartorsiornerani Japanimiut aningaasaata yennep naleqarnerulernissaa Japanimi naalakkersuisut neriuutigaat.

Japanimi corona tuniluutilermat, Japanimi killeqarfiit matuneqarput, piffissallu ilaani Japanimiusut innutaassuseqartut Japanimut angerlaqqusaajunnaarput.

Naalagaaffiit ilaanninngaaneersut aamma nunanit 68-sineersut visumeqaratik ullumimiit Japanikarsinnaalerput.

Pulaartut killilersugaanerat aamma atorunnaarpoq, takornariallu ataatsimoorlutik Japanimukartartunut immikkkut piumasaqaatit aamma atorunnaarlutik,.

Nutaarsiassami kukkunermik nassaarsimaguit uunga allaffigineqarsinnaavugut.