Japanimi Yamaguchimi aapakaat saassusseqattaartut
Japanimi illoqarfiit ilaanni Yamaguchimi innuttaasut ilaat 42-t apakaanit makakinik taaneqartartunit piffissami kingullermi saassunneqartarsimanerat, Japanimi nutaarsiassaqartitsivinni tamani ulluni makkunani sammineqartorujussuuvoq.
Japanimi aapakaat makikinik taaguutillit taamatut saassusseqattaarnerat qaqutigoortorujussuummat, sumillu peqquteqarnera suli paasineqanngimmat, aallaat atorlugu aapaakaat sinissaammik aallaneqartarnissaat Japanimi naalakkersuisut akuersissutigigaat, Ritzau allaaserinnippoq.
AAMMA ATUARUK Assiliisartup aapakaap assilisaanut piginneqqaartussaatitaanera aalajangerneqartoq
Aapakaat makakit kangiani Asiami illoqarfinni inuillu allaat najugaqarfiini takussaasorujussuupput, allaallu angerlarsimaffinnut iserlutik nerisassanik tillinniartarlutik.
Aapaakaat Japanimi meeqqanik inersimasunillu kimmaallutik qitsuaallutillu taamatut saassusseqattaarnerat sumik peqquteqarnersoq ilisimaneqanngilaq qaqutigoortorujussuuvorlu, Japanimi nunamut namminermut ministereqarfimmeersoq Ritzaumit issuarneqarpoq.
