Joe Biden demokraatit præsidentimut qinigassanngortitassaattut toqqarneqartoq

77-nik ukiulik Joe Biden demokraatit præsidentimut qinigassanngortitassaattut toqqarneqarpoq.

Nutaarsiassaqartitsivik CNN taama allappoq.

- Tamassinnut qujanaq, Tamanna uannut ilaquttannullu isumaqartorujussuuvoq, præsidentimut tullersortaasimasoq Biden angerlarsimaffimminit Delawaremit nittartakkakkut oqarpoq.

Corona ajornartorsiortitsimmat nittartakkakkakkut ataatsimeersuarput.

Præsidentiusimasoq Bill Clinton demokraatit præsidentimut qinigassanngortitassaminnik ataatsimeersuarneranni oqalugiartuni pingaarnerit ilagaat.

AAMMA ATUARUK Michelle Obama: Donald Trumpip uivertitsinera Bidenip unitsissinnaavaa

Bill Clintonip Michelle Obama assigalugu maanakkut præsidenitiusoq Donald Trump coronamik tuniluunneranik aqutsisinnaasimannginneranut saassutarivaa.

- Piffissami matumami præsidentip illorsua Det Hvide Hus aqutsisoqarfiusussaagaluarpoq, ueverfiuvorli. Uiverfioqaaq. Akisussaaffimmik tigusiumannginnerminik aalajangiusimanera allanngunngilaq allallu pisuutitttuarlugit, Bill Clinton Trump pillugu oqarpoq.

Demokraatit ataatsimeersuarnerat sisamanngornermi naammassissaaq, Joe Bidenillu præsidentimut qinigassanngortitaanini pillugu qujaniuteqarluni oqalugiarnera pingaarnerpaajussalluni.

AAMMA ATUARUK Misisuineq: Trump USA-mi nunap immikkoortuini qinersinermi naligiiffiukkajuttuni kinguaqqaqisoq

Bidenip qaammaatit pingasut qaangiuppata præsidentimut qinersisoqarnerani ajugaanissaa ilimanaateqarluarpoq. Qinersisartut isumasiorneqarneranni arlaqartuni Biden Trumpimit siuaqqanerulluarpoq.