Joe Biden tusagassiortunut allamik oqaaseqartartoqalertoq

USA-p præsidentiata, Joe Bidenip, oqaaseqartartuata Jen Psakip atorfini maajip ulluisa 13-anni qimattussanngorpaa.

Præsidentip illorsuanit Det Hvide Husimit tamanna nalunaarutigineqarpoq.

Præsidentip illorsuani tusagassiortunik katersortitsisarfimmi oqaaseqartartungussaaq Karine Jean-Pierre. Taanna Psakimut tullersortaasimavoq.

Psakip paarlatsigisami ukiuni amerlasuuni politikkikkut misilittagai inoqatinut attaveqaammi Twitterimi ima allaaserivai:

- Naalakkersuisuini ukiuni siuliini sulivoq, New York Citymi politikkimik suliaqarpoq kiisalu Joe Bidenip præsidentimut tullersortaanerani siunnersortaalluni.

- Karine Jean-Pierre præsidentip illorsuani siullersaalluni arnani taartumik amilinni tusagassiortunut oqaaseqartartunngussaaq aamma suiaqatiminoortuunerminik ammasuunini saqqummiuttarlugu.

Taamatut saqqummernera pingaaruteqarpoq, inuppassuit sinnerlugit oqaaseqartassaaq aamma inuppassuit takorluukkaminnik piviusunngortitsisinnaanerat takutissallugu.

USA-mi innuttaasut assigiinngiiarnerisa tarrarsorfigineqarnissaat kissaatigigini, USA-mi naalakkersuisut aamma præsidentip illorsuani allaffeqarfissuani sulisut Joe Bidenip ilisaritikkamigit oqarpoq.