Kalaallit Røde Korsiat namminneq kajumissutsiminnik sulisussaaleqisoq

Kalaallit Røde Korsianut atisarpassuit, pequtit, pinngussat allarpassuillu avannaani aasaq ajunaarnersuaqarnerata kingorna tunniunneqarput.

Tunniussisut isumamik ajunngitsumik eqqarsaateqarlutik tunniussipput, taamaakkaluartorli peqatigiiffimmut aamma ajornartorsiuteqartitsipput.

- Tunniussarpassuit isumaginissaannik ajornartorsiuteqarpugut, kattuffiup Nuummi immikkoortuani siulittaasoq, Malene Lynge oqarpoq.

AAMMA ATUARUK Ajunaarnersuaqarnermut pisortap suliniuteqartut nersualaarai

AAMMA ATUARUK Ajunaarnersuarmut aningaasartuutit nunap karsianit pissarsiarineqassasut

Kalaallit Røde Korsiat ajunaarnersuaqanngikkallarmalli nammineq kajumissutsiminnik sulisinnaasunik pisariaqartitsilerpoq, Uummannalli eqqaani pisoqareerneratigut suli pisariaqartitsinerulerpoq.

- Atisanik immikkoortiterisussanik pisiniarfitsinniittussanillu suleqatissaaleqivugut, Malene Lynge oqarpoq.

Taakku saniatigut Dronning Ingridip napparsimmavissuani pulaartartussanik nammineq kajumissutsiminnik sulisinnaasunik aamma pisariaqartitsillutik oqaatigaa.

Kalaallit Røde Korsiata aggiussat ilaat tunisimagaluarpaat. Tunisaqarsimanerilli tamaasa atisamik minnerpaamik ataatsimik nutaamik eqqussisoqartarpoq, Malene Lynge oqarpoq erseqqissaatigaalu aggiunneqartut tamaasa qujaruttarlugit.

AAMMA ATUARUK Nuugaatsiami tassaarsuaarnerata kingorna assit siulliit takukkit

AAMMA ATUARUK Ajunaarnersuaqarnera alianartorujussuuvoq