OL Martin Møller unamminissamut siullermut peqataalinngitsoq

Kalaallit ukiuunerani OL-ertoqarnerani peqataatitaasa aappaata, sisoraatinik oqilaniunnermi peqataasartup Martin Møllerip, Danmark sinnerlugu PyeongChangimi OL-imut peqataasup, unamminissamut siullermut sapaatiuppat pisussamut peqataannginnnissani pisortatigoortumik nalunaarutigaa.

Allattoq Karsten Sommer, Mads Lynge

februaarip 09-at 2018 09:49

Skiathlonimik taasagaannut peqataasussaaagaluarpoq, nuffasersimaninili pissutigalugu peqtaasinnaajunaartoq Team Danmarkip nalunaarutigaa:

KNR-imi OL

Martin Møllerip Laila Friis-Sallingillu OL-imut peqataanerat KNR-imit malinnaavigineqassapput:

11. feb - 30 km skiathlon, Martin Møller (Taamaatiinnarpoq)
16. feb - 15 km sukuutserneq, Martin Møller
19. feb - Halfpipe kval., Laila Friis-Salling
20. feb - Halfpipe finale, Laila Friis-Salling
24. feb - 50 km qangatut, Martin Møller

Pyeongchangimi OL-ertoqarnera februaarip ulluisa 9-annit 25-ata tungaannut pissaaq.

- Sapaatip-akunnerata kingulliup ingerlanerani nuappunga, skiathlonilu isorartullunilu sakkortoqaaq, peqqippallaanngikkaannilu sakkortunerusarluni, Martin Møller oqarpoq.

AAMMA ATUARUK Laila Martinilu tulluusimaarutissaapput

Taassumali OL-imut peqataanera tamaanga killeqanngilaq. 15 kilometerimut sukuutserluni februaarip ulluisa 16-ianni oqilaniunnissamut peqataassaaq, soorlu aamma qangatut ingerlaarluni 50 kilometerinik isorartussusilimmi februaarip ulluisa 24-anni peqataasussaalluni.

Ullumi tallimanngornermi sungiusalaarsinnaasimavoq, sapaatiuppalli peqataasinnaannginnini ajuusaarutigalugu.

15 kilometerimut peqataasinnaanissani neriuutigaa, 50 kilometerimullu peqataanissaminut aamma qilanaarpoq, Sotjimi ukiuunerani ukiut sisamat matuma siornatigut OL-ertoqarmat tassani normu 45-tut inissilluni.

AAMMA ATUARUK Doris Jakobsen Jensen OL-erfiusumut tapersersuiartortoq

Nutaarsiassami kukkunermik nassaarsimaguit uunga allaffigineqarsinnaavugut.