Kalaallisut atuakkiat nersornaasiinissamut piukkunneqartut
Tassami Nunat Avannarliit Siunnersuisoqatigiivi nersornaasiuttakkamik nutaamik pilersitsipput taannalu 2013-imi siullermik tunniunneqassaaq. Nersornaasiuttagassaq taanna Nunat Avannaamioqatigiit atuakkiortunut nersornaasiuttagaannut attuumassuteqassanngilaq.
Nersornaasiuttagassamik nutaamik siunnersuut, Nunani Avannarlerni ministerit tallimaasut ippassaq akuersissutigaat.
- Nunani Avannarlerni meeqqanut inuusuttunullu atuakkiornermik pitsaasumik qaffasissumillu ileqqoqarpugut. Meeqqanut inuusuttunullu atuakkiat, nunani avannarlermiutut imminut paasinissatsinnut pingaarutilimmik inissisimapput, tamakkulu nunani tamalaani akuerineqarlutik pingaartinneqartarlutik. Taamaattumik atuakkiat taamaattut nersornaaserneqartalernissaannik suliniuteqarnerup naalakkersuinikkut isumaqataaffigineqarnera nuannaarutigeqaara, Norgemi kulturimut ministeri Hadia Tajik tusagassiuutinut nalunaarummini oqarpoq.
Nunat Avannaamioqatigiit atuakkiortunut nersornaasiuttagaat, ukiormanna ukiunik 50-inngortorsiorluni nallittorsiortoq Nunat Avannaarliit Siunnersuisoqatigiivisa nersornaasiuttagaanni pisoqaanersaavoq.
