Kalaallit eqqumiitsuliortut Washingtonilialersut
Tamanna pissaaq kulturikkut festivalertitseq Nordic 2013 eqqumiitsuliortunit 700-init sinneqartunit nunat avannarlerneersuit taakkununnga ilanngullugit Kalaallit Nunaannit, Ålandimit Savalimmiuniillu eqqumiitsuliortut saqqummersitsippata.
Festivalertitsinermi peqataassapput, atuakkiortut, erinarsortartut, igasut, nipilersortartut, isiginnaartitsartut qitittartullu. Festivali aallartissaaq 19. februar 17. martsip tunnganut ingerlanneqasssalluni.
Kalaallit Nunaannit peqataassapput, nipilersortartut Nanook, erinarsortartoq Rasmus Lyberth, eqqumiitsuliortoq Jessie Kleemann aamma assiliisartoq Jørgen Chemnitz.
Taakkua saniatigut isiginnaartitsisartoq nipilersortartorlu Miké Fencker Thomsen savalimmiormiut nipilersortartut Yggdrasil nipilersoqatigissavai.
Festivalertitsinermi Nordic Coolimi nunat avannarliit nerisassioriaasiat nutaaliaanerusoq nittarsaanneqassaaq tamannalu New York-imi februar-imi pissaaq.
USA-mi kulturikkut ingerlatsiviit annersaata eqqumiitsuliortunik kulturikkut suliaqartunik nuna avannarlerneersunik tikilluaqqusinera nunat avannarlermiunik nersorinninneranik takussutissaasoq, Norgemi kultur ministeri Hadia Tajik oqarpoq. Nunat avannarliit nunarsuarmiunut sunniuteqarneruleriartorneranik takussutissaasoq, Hadia Tajik oqarpoq.
