Kalaallit Nunaanni politiit: Meeqqat atisaqanngitsut assinginik siaruarterinasi

Niviarsiaqqap atisaqanngitsup 15-nit inorlugit ukiullip assinganik Qaqortumi inuusuttut akornanni siammarterineq pillugu Qaqortumi politiinut ippassaq nalunaarutiginnittoqarpoq.

Asseq qarasaasiakkut attaveqatigiittarfik SnapChat atorlugu siammarterisoqarpoq..

Tamanna pillugu inuusuttut sukannersumik Kalaallit Nunaanni politiinit eqqaamaqquneqarput, meeqqat 15-it inorlugit ukiullit atisaqanngitsut assiginik siammarterineq inerteqqutaammat.

Tamanna pornonik meeqqanik inuttalikkanik siammarterinerummat.

Kalaallit Nunaani politiit tusagassiuutinut nalunaaruteqarlutik taama allapput.

Pineqaatissiissutigineqarsinnasoq Kalaallit Nunaani politiit erseqqissaassutigaat.

Aamma oqarasuaatinik angallattakanik, qarasaasianik atortorissaarutinillu elektroniskiusunik assaarinnittoqarsinnaavoq.

- Meeqqap 18-nit inorlugit ukiullip assinganik atisaqanngitsumik nassitikkuit piaarnerpaamik politiinut saaffiginnissaatit nalunaarutigalugulu.

Assip siaruartinnginnisaa aalajngiissuullinnarpoq pornomik meeqqanik inuttalikkamik siammarterinermik pasineqarsinnaagavit, kalaallit nunaanni politiit taama allapput.

Nviarsiaqqap atisaqanngitsup assinganik Qaqortumi siaruarterisimasutut pasineqartoq tigusarineqarpoq, oqarasuaataalu angallattagaq assaarinnissutigineqarluni.

Pasineqartoq 15-nit inorlugit ukioqarpoq, tassungalu atatillugu politiit erseqqissaatigaat, pornonik meeqqanik inuttalikkanik siammarterineq ilungersunarluinnartutut isigineqarmat,