Killilersuutit Kangerlussuarmi atuutilersut

Kangerlussuarmi maanna killilersuisoqalerpoq.

Kangerlussuarmi tunillaassuuttoqarpoq, tuniluunnerullu pilerfia ilisimaneqarnani. Taamaattuumik Kangerlussuarmi killilersuisoqalerpoq.

Nunatsinni Nakorsaaneqarfik tusagassiuutinut taama nalunaaruteqarpoq.

Tassalu aqqaneq-marlunnik ukiulinnit qummut ukiullit ukunani qanermut assiaquteqanngikkunik kiinnamut assiaquteqartassapput:

• Inini tamanit iserfigineqarsinnaasuni isersimanerminni
• Ulluinnarni atugassanik pisiniarfinni kiffartuussivinnilu sulisut atuisunut attaveqartartut suliaminnik isumaginninnerminni
• Assartuutinut tamanit atorneqarsinnaasunut ilaanerminni, taakkununngalu bussit taxallu ilaapput. 

Taamaalilluni piumasaqaat aamma assersuutigalugu oqaluffinnut pisiniarfinnullu atuuppoq.

Taamaallaat qanermut kiinnamulluunniit assiaquteqarnissamut piumasaqaat Kangerlussuarmi maanna atuuppoq. Tassa assersuutigalugu coronapassimik takutitsisinnaanermik piumasaqaateqanngilaq. Kangerlussuarmi misissuisinnaanerup killeqarnera tamatumunnga pissutaavoq.

Uku maleruagassanut ilaatinneqanngillat:

• Inuit sianissutsimikkut ajoqutillit, timimikkut tarnimikkulluunniit sanngiitsut allatulluunniit ajoqutillit, taamaalillutillu qanermut kiinnamulluunniit assiaqutinik atuisinnaanngitsut qanermut kiinnamulluunniit assiaqutinik atuinissamut piumasaqaammut ilaatinneqanngillat.
• Ulluinnarni atugassanik pisiniarfinni kiffartuussivinnilu sulisut qanermut kiinnamulluunniit assiaqummik atuinatik plastikki assiaqut, atuisut sulisullu akornanni assiaqutaasumik atuisinnaapput.

Kiisalu qanermut kiinnamullu assiaqutit tamakkiisumik ilaannaasumilluunniit peerneqarsinnaapput, soorlu:

• Nerinermi imernermilu.
• Nakorsaatinik iisinermi.
• Inunnik aatsaat qaneq isigalugu oqalunnermik paasinnissinnaasunik oqaloqateqarnermi.
• Qanermut kiinnamulluunniit assiaqut peqqutigalugu anersaartorniapiloornermi merianngunermiluunniit.
• Politiit kinaassutsimik paasiniaanerini.
• Timersornerup nalaani