Killilersuutit Maniitsumi unnuaqeqqaniit atuutilissasut
Maniitsumi tunillaassuuttoqarpoq, tuniluunnerullu pilerfia ilisimaneqarnani. Taamaattumillu Maniitsumi killilersuisoqalerpoq.
Killilersuutit jannuaarip ulluisa arferngata arfineq-aappaata akornanni unnuaqeqqanut atuutilissasut, Namminersorlutik Oqartussat allapput.
Allakkeriviit.
Mittarfiit.
Pisortatut oqartussani pilersuiffiusunilu init sullissiviit, saaffiginnittarfiit pilersuiviit il.il.
Pisortat angallassissutaannut tunngatillugit utaqqisarfiit.
Tassalu Maniitsumi aqqaneq marlunniit qummut ukiullit ininut kikkunnit tamanit iserfigineqarsinnaasunukarunik covid-19-imut akiuussusersimanermut, siusinnerusukkut tunillatsissimanermut imaluunniit covid-19-mut misissorneqarsimanermut uppernarsaammik takutitsisassaq piumasaqaataalissaaq
Aqqaneq-marluk qaangerlugit ukiullit tamarmik kikkunnit tamanit iserfigineqarsinnaasuni kikkunniillu tamanit ilaaffigineqarsinnaasuni ilaaniarunik qanermut assiaqut aamma kiinnamulluunniit assiaqut atussavaat.
Taavalu tamanit ornigarneqarsinnaasuni isersimasinnaasut amerlanerpaaffissalerneqassapput. Tassa imaappoq qatserisartut amerlanerpaaffiusinnaasutut akuerisaata affaannaat isertinneqarsinnaassapput.
Maniitsup saniatigut inoqarfiit killilersuiffiusut tassaapput: Ilulissat, Kangerlussuaq, Maniitsoq, Nuuk, Qasigiannguit, Upernavik, Tasiusaq, Upernavik Kujalleq, Nutaarmiut, Nuussuaq, Innaarsuit, Naajaat, Aappilattoq, Kangersuatsiaq, Kullorsuaq.
