Kina timmisartup 132-nik inuttallip nakkarnerani annattunik nassaanngilaq

Ataasinngormat Kinami timmisartoq Boeing-iusoq nakkarmat annattunik nassaartoqanngilaq

AP naapertorlugu Kinami naalagaaffiup tv-kkut aallakaatitsivia CCTV taama nalunaarpoq.

Timmisartoq ilaasartaat 132-nik ilaasoqarpoq. AP naapertorlugu Kinami ukiut qulikkaartut ataatsit sinnerlugit ingerlaneranni aatsaat taama annertutigisumik timmisartoqarnikkut ajunaartoqarpoq.

- Timmisartup sinnikui nakkarfiani nassaarineqarput, mannali tikillugu timmisartumi inunnik nassaartoqanngilaq, sumiiffimmi nalunaaqutaq naapertorlugu marlunngornermi ullaakkut CCTV nalunaarpoq.

Ajunaarnerup sumik peqquteqarnera suli paasineqanngilaq.

Saqqummerpoq timmisartoq ingerlatsivimmit China Eastern Airlines-imit pigineqatoq minutsinit marlunnit sivikinnerusup ingerlanerani tassanngaannaq appariartulersoq, illoqarfiup  Kinap kujataa-kitaaniittup Wuzhou-p ungasinngitsuani nunap ilaani qaqqartuumi Guangxi-mi nakkannginnermini ikuallalinnginnerminilu.

Timmisartoq isumaminik timmisussanngortinneqarsimavoq nalunaaquttallu akunneranut kilometerinik 842-nik sukkassuseqarluni 842 kilometer i timen i omkring 29.000 fod-illu missaannik qutsissuseqarluni timmitilluni sukkasuumik tassanngaannaq ammut saalluni 7400 fod-inut appariartulersimavoq. Kinguninngua sivikitsumik 1200 fod-inik qaffakkaluarpoq appariartuleqqissinnani.

Flightradar24-mit, nunarsuaq tamakkerlugu timmisartornermik nalkkutilliisunit, paasissutissani tamanna erserpoq. Appariartulernerminiit sekuntit 96-it qaangiummata timmiartumut attaveeruppoq.

Timmisartoq ukiunik arfinilinnik nutaanngissuseqarpoq tassaallunilu Boeing 737-800.

China Eastern Airlines-ip Boeing 737-800-unik timmisartuutiminik atuinera  unitsinneqarallarpoq. Flightradar24 naapertorlugu ingerlatsivik taamaattunik 109-nik peqarpoq.