Kinap USA qullartaasianik Kinap silaannartaatigoortitsisarnerminik misissueqqissaaqqugaa

USA-p qullartaasianik qulinit ikinnerunngitsunik siorna maajimili Kinap silaannaartaatigoortitsisimaneranik Kinap pasilliutini marlunngornermi oqaatigeqqippai.

USA-p qullartaasianik Kinap silaannaartaatigoortitsisarnini nassuiaateqarfigisariaqarai, Kinap nunanut allanut tunngasunut ministereqarfiata oqaaseqartitaata tusagassiortunut ullormut sassartarnerup nalaani oqaatigaa.

- USA misissueqqissaartariaqarpoq Kinamullu nassuiaateqarluni, Kinap nunanut allanut tunngasunut ministereqarfiata oqaaseqartitaa Wang Wenbin oqarpoq nangillunilu:

- USA nunanik allanik alapernaarsuinermi nunarsuarmi salliusoq erseqqissaatigerusupparput. Nunat tamalaat - aamma Europap - tamanna misigereerpaat. Wang Wenbin oqarpoq.

Kinap Ruslandillu nunat killiit illersoqatigiiffianni NATO-mi nunani alapernaarsuisarnitik annertusarsimagaat, NATO-p qullersaata Jens Stoltenbergip oqaatigereeraalu Kina taama nalunaaruteqarpoq.

Qullartaasiaq Kinaminngaanneersuunerarneqartoq USA-mit South Carolinap avataani februaarip ulluisa sisamaanni nakkartinneqareersorlu, Kina nammineq oqarpoq USA qullartaasianik Kinap silaannartaatigoortitsisartoq.