Koda Awards: Innersuunneqartullu tassaapput...
Kalaallit nipilersortartut Nuummi kulturip illorsuani, Katuami marsip ulluisa tallimaanni arfininngornermi nersorniarneqassapput.
Ukioq mannalu innersuunneqartut tassaapput:
- FINNi saqqummersitaanut "Qanormita ippa?"
- Uummatip Nipaa aamma Tønnes Kreutzmann, erinarsoqatigiittut nutaaliaarpalaartutut Kalaallit Nunaanni saqqummersisitsimanerat pillugu
- Toornat saqqummersitaannut "Inuiaat".
Isumalluarnartumut nersornaasiinissamut innersuunneqartut tassaapput:
- Ivaana saqqummersitaanut "Jamaica".
- Malik Lennert 2020-mi aamma 2021-mi saqqummersitaanut sisamanut
- Athena Lings saqqummersitaanut "Depression In The Roads".
Ukiumut nersornaat taalliortumut/erininniortumut pitsaanerpaamik ukioq manna saqqummiisimasumut tunniunneqassaaq.
Isumalluarnartumut nersornaat erinniortumut, taalliortumut imaluunniit nipilersoqatigiinnut isumalluarnartumut piginnaanilimmut tunniunneqassaaq.
Koda 1991-imili kalaallinik erinniortunik aamma taalliortunik Koda Awardsimik aaqqissuussinikkut ukiumut ataasiarluni nersornaasiisarpoq.
1991-mi siullerpaamik nersornaasiisoqarmat ”Kodap kalaallinut inuusuttunut eqqumiitsuliortunut nersornaatitut” taasimavaa. Taamanilu nipilersortartoq Ole Kristiansen nersornaaserneqarsimalluni.
Nersornaasiineq Katuap inersuaani marsip ulluisa tallimaanni nalunaaqutaq unnukkut arfineq-pingasunit aaqqissuunneqassaaq. Matut nalunaaqutaq 19.00 ammassapput.
