Korea Avannarleq qaartartunik igeriuttakkanik atuilluni sungiusartoq

Korea Avannarleq qaartartunik igeriuttakkanik arlalinnik USA-p Korea Kujalliullu sakkutuui ukiukkuutaartumik sungiusaqatigiilertinnagit igeriussivoq.

Allattoq Ritzau

februaarip 20-at 2023 15:29

Nutserisoq Mads Lynge

Korea Avannarleq, qaartartunik igeriuttakkanik marlunnik unnuaq igeriussivoq. Korea Kujalleq taama ilisimatitsivoq.

Qaartartut igeruttakkat marluk igeriunneqartut ungasinngitsumut igeriunneqarsinnaasuupput.

Qaartartut igeriuttakkat marluk atorlugit sungiusartoqartoq, Korea Avannarliup nutaarsiassaqartitsiviata KCNA-p oqaatigaa.

Qaartartut igeriuttakkat pingasut igeriunneqartut aallaqqaammut oqaatigineqarpoq, marluinnaalli igeriunneqartut, Korea Avannarliup Kujalliullu Japanillu maanna oqaatigaat.

Aamma atuarukKorea Avannarleq raketinik arfineq-aappassaannik igeriussisoq

Qaartartut igeriuttakkat 395 aamma 337 kilometeritut ungasitsigisumiittunik eqquisussatut igeriunneqartut, Korea Avannarliup ilisimatitsissutigaa.

Qaartartut immamut nakkarsimanissaat ilimagineqarpoq.

Korea Avannarleq qaartartunik igeriuttakkanik atuilluni ukiormanna pingajussaanik sungiusarpoq.

Qaartartoq ungasissumut igeriunneqarsinnaasoq Korea Avannarlermit ullut marluk matuma siornatigut igeriunneqarpoq, igeriunneqartorlu nunap taassuma sakkussiaasa annersaannut ilaasoq oqaatigineqarpoq.

Nutaarsiassami kukkunermik nassaarsimaguit uunga allaffigineqarsinnaavugut.