Droninngip taaguutinik piianera kunngissap paasisinnaagaa
- Danskit kunngikkormiuisa akornganni prins Joachimip qitornaasa prinsitut prinsessetullu taaguutaasa jannuaarip aallaqqaataaniit atorunnaarsinneqarnissaannik Dronning Margrethep aalajangernerata kingorna prins Joachimip aalassassimaarluni qisuariarnera takullugu uggornarpoq.
Prins Joachimip angajua kunngissaq Frederik ullumi tusagassiortunut taama oqarpoq.
Septembarip qaammataani Dronning Margrethep aalajangernini pillugu avammut nalunaaruteqarnerata kingorna Kunngikkormiut iluanni aalassassimaartoqalernera pillugu Kunngissaq aatsaat avammut taama oqaaseqarpoq.
AAMMA ATUARUK Prins Joachim: Anaanama oqaloqatiginiarsimanngilaatigulluunnniit
Københavnimi atuarfiit ilaannut Kunngissaq pulaarnerminut atatillugu TV 2-mut taama oqarpoq, nukkanilu sinnerlugu ajuusaarnerarluni.
- Prins Joachimip aalassassimaarluni qisuariarnera takullugu uggornarpoq. Nukatuarigakkumi taama qisuariarnera uannut sunnertisimananngitsuunngilaq kunngissaq oqarpoq.
- Kisianni tassa ataqqinartorsuup anaanama tamanna aalajangerpaa, tamannalu paasilluinnarpara, kunngissaq tusagassiortunut katersuussimasunut oqarpoq.
Dronning Margrethe taama aalajangerpoq kunngip illussaarsuani taaguutinik ikilisaarusulluni, tamannalu ernerata kunngissap tapersersorluinnaraa, nutaarsiassaqartitsivik TV 2 oqaluttuarpoq.
- Nammineerlunga soqutigaara piffissap ingerlanerani danskit kunngeqarfiata iluani kunngeqarfiup qanoq ingerlanissaa, taanna erseqqissaavo
