Kujataanit ingerlaqqissinnaajunnaartut ikiorneqalersut

Kujataanit ingerlariaqqissinnaajunnaartut 121-t timmisartukkut umiarsuakkulluunniit ingerlaqqissinnaanissaannut aningaasaliinissaq aalajangerneqarpoq.

Allattoq Signe Haahr Pedersen , Ivik Kristiansen

januaarip 11-at 2022 05:43

Sarfaq Ittummut ilaasut 121-t Qaqortumit ingerlaqqissinnaajunnaartut ikiorneqalerput.

Naalakkersuisummi corona pissutigalugu immikkut ittoqartillugu konto atorneqartartoq atulissallugu aalajangerpaat.

- Kujataaniit angalasussat qanoq ingerlariaqqinnissaat pillugu misissuuppagut. Timmisartornissaat imaluunniit allatigut. Annerusumik paasisaqariarutta nalunaarfigineqarumaarput, Arctic Umiaq Linemi teamlederi, Erna Møller KNR-imut oqarpoq.

AAMMA ATUARUK Tunillaassuuttoqalersinnaammat Sarfaq Ittuk ilaaffigineqarsinnaanngikkallarpoq

Ilaasut angerlarsimaffimminnukarniartut salliunneqassasut aamma paasissutissiissutigaa.

Corona pissutaasoq

Sarfaq Ittumi sulisut akornanni coronamik napparsimasoqalermat, ilaasut 121-t Qaqortumi tallimanngormat niusariaqarsimapput. Aamma sulisut napparsimasut niusimalerput, sulisullu sinneri sapaatiummat misissortillutik.

Misissukkat taakkua inerneri suli utaqqineqartut, Arctic Umiaq Line paasissutissiivoq.

Ilaasut Arctic Umiaq Linemut toqqaannartumik billetisisimasut attavigineqassapput.

Angalatitsiviit allat aqqutigalugit allaluunniit sinnerlugu pisititsisimasut Arctic Umiaq Linemut uunga attaveqassapput info@aul.gl.

Nutaarsiassami kukkunermik nassaarsimaguit uunga allaffigineqarsinnaavugut.