Kulusummi angut 23-nik ukiulik savimmik kapineqartoq

Kulusummi angut 23-nik ukiulik ullaassaq savimmik kapineqarmat politiit ullaassaq  Kulusummukartariaqarsimapput.

Kulusummi angut 23-nik ukiulik ullaassaq sisamanut tanneq aqqaninngulersoq arnamit inooqatigisaminit 28-nik ukiulimmit savimmik kapineqarpoq, politiit KNR-imut taama paasissutissiipput.

Savimmik kapisineq angerlarsimaffimmi pisimavoq, politiillu naliliinerat naapertorlugu imigassartortoqarsimavoq.

Politiit paasissutissiissutaat naapertorlugu, arnap 28-nik ukiullip inooqatigisani savimmik kapisimavaa, angullu kapitinnermi kingorna illumit qimaasimalluni.

Tasiilami politiit annaassiniartartullu angallammik Kulusuliartinneqarput, angullu 23-nik ukiulik inuunerminik ulorianartorsiunngilaq.

Angut 23-nik ukiulik angallammik Tasiilami peqqissaavimmut ingerlanneqarpoq, savimmillu kapineqarnerata kingorna inuunerminik ulorianartorsiunngitsoq paasineqarpoq.

Tasiilami politiit misissuinerminni immikkoortoq siulleq naammassereerpaat. Arnaq kapisisoq aamma angut kapitittoq tigusarineqanngillat, taakkuali marluullutik persuttaasimasutut pasineqassasut politiit KNR-mut taama paasissutissiipput.