Kunngissap nulia Mary 50-liivoq
Kunngissap nulia Mary ullumi 50-liivoq.
Ullaaq arfininngornermi Kunngip illussaarsuata Amalienborgip silataanut inuppassuit takkussuupput, ullumikkut februaarip tallimaanni 50-liisumut Kunngissap nulianut Marymut pilluaqqusiartorlutik.
Inuuissiortullumi qitornani pingasut anillaqatigai inunnullu aalateralutik.
Ippassaq kunngikkormiorpalaartumik assuuserluni nalliuttorsiortoqartussaagaluarpoq coronali patsisigalugu nalliuttorsiornissaagaluaq kinguartinneqarpoq.
Sapaatip akunnerata ingerlanerani Maryp 50-liineranut atatillugu arpatitsinerit arlallit pissasut oqaatigineqarpoq.
Ataasinngormat aamma Koldingimi Koldinghusimi immikkut ittumik saqqummersitsineq ammarneqarpoq, tassani "Mary og Kronprinsesserne" saqqummersinneqarmata.
Pingasunngormallu Mary uumasuusiviliartinneqarpoq, Australiallu uumasuinut immikkoortortap nutaatut ammarneqartup nunataa nivariarpaa, taannalu atserneqarpoq ”Maryp Australiamiutut naatsiivia” "Marys Australske Have".
Sisamanngormallu aamma Maryp assinganik qalipagarsuaq Frederiksborg Slotimi uleerneqarpoq qulequtalik: "H.K.H. Kronprinsesse Mary 1972-2022".
Kunngissap nuliata 50-liinera arfininngorpat ilaqutariit kisimik iluanni nalliussineqassaaq.
