Kunngissap nulia Mary coronavirusimik tunillatsittoq
Kunngisap nulia Mary coronavirusimik tunillatsissimasoq pingasunngornermi paasineqarpoq.
Kunngikkormiut tusagassiuutinut nalunaarummi paasissutissiipput.
Ilaqutariinni allanik tunillatsissimasoqanngitsoq, aamma nalunaarutigineqarpoq. Kunngissap nulia Amalienborgimi Frederik VIII's Palæmi maanna mattuteqqavoq.
Kunngissap nulia 49-nik ukiulik ersiuteqarnersoq paasissutissiisutigineqanngilaq.
Kunngikkormiut Napparsimasut isumannaatsuunissaat pillugu aqutsisoqarfimmit tunillatsissimasinnaasunik ujartuineq pillugu siunnersorneqarput.
Kunngissakkut ernerat angajulleq, prins Christian coronavirusimik siorna decembarimi aamma tunillatsinnikuuvoq.
Tamanna prinsip atuarfiani, Hellerupimi Tranegårdskolemi tuniluuttoqarnerani pivoq.
Ilaqutariit sinneri, kunngissaq Frederik, kunngissap nulia Mary aappariillu meeraat nukarliit pingasut taamani tunillatsissimanngitsut paasineqarpoq.
