Kyivimi inissiaqarfinnut saassussisoqarnerani arlallit toqutaasut

Ukrainemi illoqarfimmit Mariupolimit innuttaasut 430.000-it suli nikeriarsinnaanngillat, russilli qanilliartornerat unissimanerarneqarpoq.

Allattoq Ritzau

marsip 15-at 2022 11:29

Ukrainip illoqarfiisa pingaarnersaani Kyivimi inissiat arlaqartut ullaap tungaani qaartartumeeriffigineqarmata ikinnerpaamik inuit marluk ajunaarput, Kyivimi annaassiniartartut taama nalunaaruteqarput.

- Inuit marluk toqutaasimasut anninneqarput. Inuillu 27-t annaanneqarlutik. Toqutaasut Sviatosjynskijip immikkoortortaani inissiaqarfinni najugaqartuupput, Ukrainemi annaassiniartartut taama paasissutissiipput.

Kyivimi inissiat quleriiat arlaqartut marlunngornermi ullaakkut saassuneqarput, tamatumalu kingunerisaanik inissiaq 16-nik quleriilik ikuallalerluni.

Podilskip immikkoortortaata avannaata tungaani inissiaqarfiit aamma eqqugaapput, tassanilu toqutaasoqarneranik nalunaaruteqartoqanngilaq.

AAMMA ATUARUK Ukraine isumaqatiginninniarnermi sakkuaakkunnaaqqusisoq

Kyivip kangisissortaani ilaqutariit illuat aamma eqqugaavoq. Illoqarfiit Irpin, Hostomel aamma Butja arlalinik aamma saassunneqartut, ukrainemi oqartussat Sky Newsimut paasissutissiipput.

Kyivip eqqaani akersuunnerit ulluni kingulerni sakkortunerulerput maanna Kyiv russit sakkutuuinit unguneqaleriartorpoq. Russit sakkutuui Ukrainemut isaallutik aalllartipput februaarip ulluisa 24-anni.

Kyivimi innuttaasut tre milliuuniusut affaat sinnerlugit qimaapput.

Nutaarsiassami kukkunermik nassaarsimaguit uunga allaffigineqarsinnaavugut.