Laila Friis-Salling OL-imi peqataasussatut toqqagaasoq

Nunatsinneersoq kalaaleq freestylemik sisorartartoq, Laila Friis Salling OL-ertoqalerpat ilaasussanngorpoq.

Peqataasussanngortup Laila Friis Sallingip Facebookimini tamanna uppernarsarpaa.
Danmarkimilu OL-eqarnissaanut atatillugu Komitep tamanna KNR-imut aamma uppernarsarpaa.

- Assorsuaq nuannaaqaanga, OL-ertoqalerpat peqataasussanngortoq, Facebookimi taama allaaserisaqarpoq.

AAMMA ATUARUK Piareeqqavunga

Danmarkimi timersoqatigiiffiit kattuffiata OL-eqarnissamut atatillugu ataatsimiititaliaani pisortap, Morten Rodtwittip uppernarsarpaa, Laila Friis-Salling OL-ertoqalerpat Danmark sinnerlugu peqataassasoq, Laila Friis-Sallingillu peqataasussanngornera pillugu pisortatigoortumik ataasinngormat toqqarneqarsimasoq.

AAMMA ATUARUK Martin Møller OL-eqarnissaanut annguppoq

Taamaalilluni nunatsinneersut marluk OL-ertoqalerpat peqataasussanngorput.
Laila Friis-Sallingillu Martin Møller angalaqatigisussanngorpaa, Korea Kujallermilu unammiuaartoqalerpat
nunatta danskillu erfalasuata qalipaataanik atorlutik illersuisussanngorput.