Savalimmiuni ministeri suiaaqatiminoortarnermut pisinnaatitaaffiit pillugit suliamut atatillugu soraarsinneqartoq
Savalimmiuni nunanut allanut tunngasunut naalakkersuisoq Jenis av Rana naalakkersuisusutut atorfimminit soraarsitaavoq.
Savalimmiuni naalakkersuisut siulitaasuata allattoqarfia tusagassiuutinut nalunaaruteqarluni taama paasissutissiivoq
Jenis av Rana kingullertigut aalassassutigineqarpoq, Konservatiivit siulittaasuata Søren Pape Poulsenip anguteqatiminik atoqartarnera pillugu oqaaseqarmat.
Savalimmiuni naalakkersuisunut ilaasortaq konservatiivit siulittaasuat Søren Pape Poulsen suiaaqatiminoortuummat ministeriuninngornissaanut isumaqataanani, Folketingemut qineqqusaartoqarnerani oqarpoq.
AAMMA ATUARUK Suiaqaatiminoortumik ministeriuneqarnissamut naagga
Radiukkut aallakaatitami Jenis av Rana ima oqarpoq.
- Suiaqatiminoortutut inuuneqarneq uanga nammineq tunngaviusumik isummannnut assortuuppoq, partii sinniisuuffigisara tunngaviusumik aamma taama isumaqarpoq, Savalimmiullu tunngaviusumik aamma taama isumaqarpoq..
Suiaqaatigiit aappariit nalunaarsorneqartarnerannut akerliusoq
Jenis av Rana Miðflokkurin Centarpartiimik aamma ilisimaneqartumi kristeligt partiiusumi aamma siulittaasuuvoq.
AAMMA ATUARUK Savalimmiut: Jenis av Ranamut tatiginninnginnermik taasisoqarniartoq
Jenis av Rana suiaqatigiminoortartunut isumaqataannginnerminik aatsaat oqaaseqalinngilaq.
Savalimmiormioq 69-nik ukiulik nakorsaq suiaqatigiit aappartiittut nalunaarsoqartarnerannut ukiuni amerlasuuni akerliuvoq.
Suiaaqatiminoortartut pisinnaatitaaffii pillugit suliaq Savalimmiuni aallarteqqammerpoq.
