Lektori: Kunngikkormiut Qatarimukartussaajunnaarnertik iluariinnassavaat

Kunngissaq danskillu naalakkersuisui Qatarimukartussaajunnaaramik ajornartoorunnaartut, kunngikkormiunik immikkut ilisimasalik oqarpoq.

Allattoq Ritzau

novembarip 14-at 2022 15:18

Nutserisoq Jaaku Lyberth

Danskit isikkamik arsaallutik nunanut allanut unammisartui nunarsuaq tamakkerlugu Qatarimi unammeqataalerpata Kunngissaq Frederk peqataassanngilaq.

Nutaanik naalakkersuisoqalertinnagu Danmarkip pisortatigoortumik aallartitaanik nunarsuaq tamakkerlugu isikkamik arsaalluni Qatarimi unamminermi peqataasoqarnavianngitsoq, Danmarkimi kultureqarnermut ministeriugallartoq Ane Halsboe-Jørgensen paasissutissiivoq.

Kunngikkoormiut aamma uani pineqartut, kunngikkormiut paasissutissiisartuata pisortaat Lene Balleby oqarpoq.

- Kunngikkormiut naalakkersuisut politikkiannik malinnittussaapput, taamaaliunngippatami aalassatsississapput, oqaluttuarisaanermik kunngikkormiunillu immikkut ilisimasalik Lars Hovbakke Sørensen oqarpoq. Taanna Professionshøjskolen Absalonimi lektoriuvoq.

Danskit isikkamik arsaallutik nunanut allanut unammisartui Tunisiamut novemberip ulluisa 22-anni unammisapput.

Nutaarsiassami kukkunermik nassaarsimaguit uunga allaffigineqarsinnaavugut.