Maniitsumi atuartut dieselimik aniatitsisoqarneranit tipi pissutigalugu angerlartinneqartut
Maniitsumi qatserisartut umiarsualivimmi dieselikoortoqarnera suliaqarfigaat.
- Diesel atortorissaarutit pigisagut atorlugit akiorniarsaraarput. Naammassitinnatalu uninngavianngilagut, Qillaq Jørgensen oqarpoq.
Allattoq Hanna Vestergaard Hviid
maajip 24-at 2022 14:05
Maniitsumi umiarsualiviup nalaani dieselimik aniatitsisoqarsimanera maajip ulluisa 18-ianni paasineqarput. Upalungaarsimasut tamanna pissutigalugu suli suliaqarput.
Maniitsumi qatserisartut aqutsisuat, Qillaq Jørgensen oqarpoq.
Dieselip annerpaartaa imaaniippoq, qatserisartut taamaammat imaanut skummimi siaruarteripput.
- Diesel atortorissaarutit pigisagut atorlugit akiorniarsaraarput. Naammassitinnatalu uninngavianngilagut, Qillaq Jørgensen oqarpoq.
Maniitsumi meeqqat atuarfianni atuartut dieselersunninnera pissutigalugu ullumi angerlartiinnarneqarput.
Taassuma dieselikoortoqarsimaneranut atatillugu suli misissuisoqarmat tamatumunnga pissutaasoq oqaaseqarfigisinnaanngilaa.
