Mette F. 10.000-it tunillatsereersullu: Nutaanik iliuuseqartariaqarpugut

Tunillaassuisut nutaat pinngitsoorniarlugit nutaanik iliuuseqartoqartariaqartoq, ministeriuneq Mette Frederiksen-ip (S) qularinngilaa.

Facebookimi taanna sisamanngornermi - juullimut ullut arfineq-pingasunngortullu - taamatut allappoq.

- Tunillaassuineq - ajoraluartumik naatsorsuutigineqartutut - annertoorujussuuvoq. Ullumi kingusinnerusukkut oqartussat killiffik pillugu nalunaarutqassamaarput. Tunillaassuinerit nutaat pinngitsoorniarlugit nutaanik iliuuseqartoqartariaqarnera qularinngilluinnarpara, taanna allappoq.

Sisamanngornermi coronavirusimik tunillatsittut 9999-nngornerannut atatillugu nutaanik killilersuisoqalissanersoq, tunillaassuinermut isumalioqatigiissitap sisamanngornermi oqallisigissavaa.

Coronavirusip killilersimaarniarnerani isumalioqatigiissitap naalakkersuisut Folketingilu siunnersugarai.

Piffissami kingullermitunillatsittut amerleriarujussuarput, sapaatimmi akunnerata affaanut tunillatsittut marloriaatinngorsimallutik. Ingammik coronap allannguutaa Omikron isumakulunnarpoq.

Danmark-imi napparsimmavinni uninngasut qulingiluaniit 517-inut amerleriarput. Tassa tunillaatsittut februaarilli aallaqqaataata kingorna aatsaat taama amerlatigalutik.

Sisamanngornermi kingusinnerusukkut pissutsit pillugit oqartussat tusagassiortunik katersuutsitsiniarput.

Folketingep Tunillaassuineq pillugu ataatsimiititaliaa tallimanngorpat pissutsit oqallisigissavaat.

Christinsborgimi partiit arlallit aamma isumaqarput nutaanik iliuuseqartoqartariaqartoq, soorlu qassit katersuuteqqusaanerannut atatillugu.

SF-ip aamma siunnersuutigeqqippaa, suliarineqarsinnaatitaanermut qulakkeerutip unitsikkallarneqarnissaa. Misilitsissinnaasut qaffassinnaanerat aamma periarfissaasoq taakku isumaqarput.

Maannangaarli killilersuinerit arlallit atuupput. Assersuutigalugu atuartut angerlartitaapput, unnuarissanullu suut tamarmik matoqqallutik. Neriniartarfiit imerniartarfiillu unnuap qeqqanut matusussaapput.

Pissutsit ilungersunarput, pingasunngornermi unnukkut peqqinnissamut ministeri Magnus Heunicke (S) oqarpoq.

- Omikronip takkunneratigut tunillaassuuttup iluani nutaamik tunillaassuutilerpoq. Nappaatit tunillaassuunnissaannut upalimaasimasut piaartumik piareertissinnaasariaqarput kiisalu napparsimmavinnut unerartut naatsorsuutigisatut amerlippata, napparsimmavinni sulisinnaasut patajaatsuunissaat sillimaffigisariaqarparput, taanna oqarpoq.

/ritzau/