Danmarkimi nunap immikkoortoqarunnaarnissaanik Løkkep siunnersuutaa Mette Frederiksenip tapersinngikkaa

Naalakkersuisunngortitsinissamut tunngiviusussat pillugit isumaqatiginninniarnerit aallartittut, Folketingemut qinersereernermi ministeriunerugallartoq Mette Frederiksen ministeriunerup atorfimmut atatilllugu najugaqarfigisartagaani Marienborgimi ullumikkut ataasinngornermi oqarpoq.

- Isumaqatigiinniarnerit aallartipput, ullumi aqagulu ataatsimiinnerit kingorna allalluta aallartissaagut. Atorfilittat ataatsimiinnerni maanna peqataassapput, Mette Frederiksen oqarpoq.

Siammasissumik, tassa partiit talerperliit saamerliillu naalakkersuisoqatigiilernissaat, Mette Frederiksenip Socialdemokratillu qineqqusaarutigaat.

AAMMA ATUARUK Mette F. siammasissumik naalakkersuisoqatigiiliortoqarsinnaa-nissaanut isumalluartoq

Radikalit Moderatikkullu tamanna aamma anguniarpaat.

Peqqinnisaqarfiit ullumi ataasinngornermi isumaqatigiinniartoqarnerani sammineqassapput, partiillu tulleriaarlutik isumaqatiginniassapput.

- Peqqinnissaq pillugut politikki ukkatarissavarput. Maanna ukiulernerani oqallisigissallugu pingaaruteqartoq aallartissavarput, utaqqisut pillugit soqutiginaateqarluartoq pinartunillu suliassat maanna unammilernartut pillugit, Mette Frederiksen oqarpoq.

Isumaqatigiinniarnerni peqataaniaratik, partii nutaaq Danmarksdemokraterne nalunaarnikuupput.