Mexicomi pisortat susassaqarfiini pujortarneq inerteqqutaalertoq
Nunani tamalaani pisortat susassaqarfiini tupatoqqusinnginnerit amerliartorput.
Mexicomi pisortat susassaqarfiini, soorlu unnuisarfinni, sissani illoqannginnersanilu tupanik pujortarnissaq inerteqqutaalerpoq.
Mexicomilu pisortat susassaqarfiisa pujortarfiunnginnissaannik inatsit nunarsuarmi sukannernerpaanut ilaavoq, pujortartut cigarettillu assitaliullugit ussassaarutit inerteqqutaalermata.
AAMMA ATUARUK Melbournemi pujortarneq inerteqqutaalerlerunilu akiligassiisoqarsinnanngortoq
Mexicomi pisortat aalajangernerat nunarsuarmi peqqinnissaq pillugu suliniaqatigiiffissuarmi WHO-mi nuannaarutigineqarpoq.
WHO-p nunat tamat mexicomiusut ilioqqullugit Twitterikkut kaammattorpai nunarsuaq tamakkerlugu inuit ukiumut 8 millionit tupatornermik toqquteqartarmata.
