Ministeriunerit EU-meersut Kyiv-imut tikeraareerlutik uterput
Polenimit, Tjekkiamit aamma Sloveniamit ministeriunerit Ukrainep illoqarfiisa pinmgaarnersaanni Kyiv-imeereerlutik Polenimut uterput.
Pingasunngornermi ullaakkut Polenimi naalakkersuisut oqaaseqartitaat oqarpoq.
- Aallartitat taakku pingasut ajoqusernatik angerlamut uterput, oqaaseqartitaq Twitterimi allappoq.
Polenip ministeriunera Mateusz Morawieckip, Tjekkiami ministeriunerup Petr Fialap, aamma Sloveniap ministeriunerata Janez Jansap Ukrainep præsidentia Volodymyr Zelenskyj ministeriuneralu Denis Shmyhal Kyivimi ataatsimeeqatigaat.
- Piaarnerpaamik sakkutuut nunanit assigiinngitsuneersut eqqissisimatitsisussat Ukraineliartinneqartariaqarput, Polenip ministeriunerata tullersortaa Kyivimut tikeraarnermi oqarpoq.
Zelenskyj qujavoq
Nutaarsiassaqartitsivik AFP naapertorlugu erseqqissaavoq sakkutuunik eqqissisimatitsisoqassappat taakku sakkoqartariaqartut. Kisianni suliassaasa pingaarnersarissavaaat "inunnik ikiuiniarneq eqqissisimasumillu tapersersuineq".
Zelenskyj-p ataatsimiinnerup kingornatigut Polenimi, Slovakiami aamma Tjekkiami siuttut tapersersuinerannut qutsavigai.
Pingasunngornermi Zelenskyj amerikamiut kongresiannut videokkut oqalugiarnermini kajumissaaruteqarniarpoq russillu nunaminik sakkutuuliinerannut akiuunnerminnut annertunerusumik ikiorneqarnissaminnut qinnuteqarluni.
LÆS OGSÅ Ukrainimi meeqqat angerlarsimaffianniittut 100.000-it qimaannarneqarataannaasut
Oqalugiarneq danskit nalunaaqutaat malillugu 14 Kongressip immikkoortortaanut marlunnut, Senat-imut aamma Repræsentantrernes Hus-imut saaffginninneruvoq. Marlunngormat Ukrainemiut siuttuat videokkut Canadap inatsisartuinut oqalugiarnermini nunat killiit Ruslandimut mattussinernik kinguneqartitsinissaannik amerlanerusunik aamma Ukrainep silaannaata timmisartorfiunnginnissaanik kajumissaarivoq.
Qimuttuitsunik angalapput
Pineqartoq kingulleq amerikamiut præsidentiata Joe Bidenip aamma Natomi iligiiit itigartitsissutigereerpaat sorsunnerup annertusarneqarnissanik kinguneqariaannaammat.
Europamiut naalakkersuisunut siulittaasut taakku pingasut Det Europæiske Råd-imut sinniisutut Ukrainemut pisut, tikeraarnerallu aaqqissuunneqarpoq EUp præsidentia Charles Michel amma EU-Kommissionip siulittaasua Ursula von der Leyen suleqatigalugit.
Ruslandip Ukrainemik sakkutuuliinera ulloq 24. februaarimi aallartimmalli nunanit allamiunit siuttunit siullersaallutik Ukraineliarput. Qimuttuitsunik Kyiviliarput.
