Myanmarimi parnaarussat 7000-nit ikinnerunngitsut iperagaassasut

Myanmarimi ullup kiffaanngissuseqarnerup malunnartinneqarnerani parnaarussat iperagaanissaannik neriorsorneqarput. Myanmarip Tuluit Nunaannit nunasiaataajunnaarneraniit ukiut 75-inngortorsiorlugit malunneqartinnneqarpoq.

Parnaarussat 6.000-t iperagaajumaartut, sakkutuut nunamik aqutsisut novemberimi nalunaarutigaat.

Iperagaasimasulli arlaqartut parnaarussaaqqissimasut, nutaarsiassaqartitsivik Ritzau allappoq.

Sakkutoorpassuit illoqarfiit pingaarnersaani Naypyidawimi ullormi kiffaanngissuseqarnerup ulluani pingasunngornermi ingerlaaqatigiittut parnaarussanilu inuiaqatigiinnik eqqissititsiniartunik taaneqartartut 750-it iperagaasut, Myanmarip naalagaaffiata tusagassiuutai allapput.

Myanmarimi naalakkersuisut sakkutuunit 2021-mi februuarip aallaqqaataani uppitinneqarnerisa kingorna nuna sakkutuunit aqunneqalerpoq.

AAMMA ATUARUK Myanmarimi siuttuusimasup eqqartuussaanermini oqaaseqarnissaa ilimagineqartoq

Myanmarimi partii Nationale Liga for Demokratii, Aung San Su Kyisimit siuttuuffigineqartup, qinersisoqarnerani ajugaarujussuarnerata kingorna taama pisoqarpoq.

Maanna 77-inik ukiulik, Ang Sang Suu Kyi, taamanili parnaarussaaqqavoq, taassuma naalakkersuisuutitai sakkutuut uppitimmatigilli.

Myamarimi naalakkersuisut sakkutuunit uppitinneqarnerisa kingorna sapaatit akunneri siulliit inuppassuit akerliussutsimik takutitsipput.

Akerliussutsimik takutitsinerit annikilliartorput sakkutuut isumannaallisaasuutitaat akerliussutsimik takutitsisunut saassussinerisa sakkortusinerat ilutigalugu.

Naalagaaffiit Peqatigiit isumannaallisaaniaqatigiivi sakkutuunut nalakkersuisuutitanut ilungersorlutik kaammaattuuteqarput nalaatsornerinnakkut tigusarineqarlutik parnaarussat piaartumik iperagaassasut.

Taakkununga ilaavoq maanna 77-nik ukioqartoq, Ang Sang Suu Kyi, aamma præsidentiusumasoq Win Myint.