Naalakkersuisut sinerissap qanittuani aalisartunut ikiorsiissutissat akuersissutigaat

Ikiorsiissutissat nutaat aalajangerneqartut, siusinnerusukkut atuutilersitamut, ukiumili nutaami atorunnaartumut taartaassapput, siusinnerusukkulli ikiorsiissutinut sanilliullugu sinerissap qanittuani saarullinianut aamma atuutissalluni.

Allattoq Mathies Hvid Toft

juunip 23-at 2021 13:37

Nutserisoq Mads Lynge

Ikiorsiissuteqartoqarnissaa kingullermik aalajangerneqarmat raajarnianut saattuarnianullu ikiorsiissuteqartoqarpoq.

Naalakkersuisut ikiorsiissutit nutaat pillugit ima oqarput:

- Aalajangerpaallu tunisinermi akit 2020-mut sanilliullugit 5 procentimit 25 procentimut ikileriaatinut immikkut aningaasanik tapersiisoqassasoq.
Aalisartut saarulliit tunineqarnerisa akikinnerulinnginnerisa nalaannut akigitinneqartup aalisartut amerlanerpaamik 20 procentianik immikkut tapiiffigineqassapput, naalakkersuisut nittartagaanni taama ilaatigut allassimavoq.

Tassa imaappoq: Akit 2020-mut naleqqiullugit 5 procentimit 25 procentimut ikileriaatinut tapersiisoqarsinnaalissaaq.

AAMMA ATUARUK KNAPK raser: Vi opfordrer til strejke, hvis hjælpepakken stopper

Aalisartut siuliani ikiorsiissutinut naleqqiullugu amerlanerusunik taperserneqarsinnaalissapput.

Ikiorsiissutit kingulliit imaapput: Aalisakkamut aki 15 procentimik apparsimappat, aalisartut annaasatik tamaasa namminneq matussusissavaat. Akilli 15 aamma 25 procentillu akornanni appassutaat Naalakkersuisunit matussuserneqarsinnaalluni.

Naak ikiorsiissutissat nutaat pillugit juunip ulluisa 16-ianni akuersissutigineqaraluartut ukiup 2021-p tamaanut atuuppoq, aalisartullu kingumut atuuttussamik qinnuteqarsinnaallutik. Aalisarnermut Piniarnermullu naalakkersuisoqarfik KNR-imut taama ilisimatitsivoq.

Coronavirusip ilungersunartorsiortitsineranut atatillugu immikkut ikiorsiissutissatut akuerineqartut 9 millionit koruuniupput.

Nutaarsiassami kukkunermik nassaarsimaguit uunga allaffigineqarsinnaavugut.