New Yorkimi nunap iluani qimuttuitsoqarfimmi inuit qulit angallattoqarnerpaaffiani aallaaneqartut
Sumiiffimmi marlunngornmermi ullaakkut inuit qulit New Yorlimi illoqarfiup ilaani Brooklyn-imi nunap iluani qimuttuitsoqarfimmi aallaaneqarput.
New Yorkip qatserisartui taama nalunaarput.
Pisoqarnerani suli arfinillit ajoquserneqarput, taamalu katillugit inuit 16 ikiligaapput. New Yorkimi qatserisartut oqaaseqartartuat Amanda Farinacci amerikamiut tusagassiorfiat CNN naapertorlugu oqarpoq.
Aamma nalunaarutigineqarpoq qaartiterutinik nassaartoqarsimasoq.
- Qaartartunut atortut qaarsimanngitsut arlaqaqisut sumiiffimmi ataatsimi nassaarineqarput, onlinekkut tusagassiuummut BuzzFeed-imut oqaaseqartartoq aqqa taaneqanngitsoq nalunaarpoq.
Marlunngornermi unnukkut pisoqarnerani toqusoqarneranik nalunaartoqanngilaq.
Sumiiffimmi marlunngornermi ullaap tungaa angallattoqarnerpaaffiata nalaani tamanna pivoq 36th Street-ip aamma 4th Avenue-p eqqaanni Brooklyn-ini Sunset Park-ip qanittuani.
- Nalunaaqutaq 08.27 Brooklyni-ip nunap piluani qimuttuitsoqarfianiit inuk sianertoq politiit akivaat, Neq Yorkip politiivinit arnaq oqqaseqartaroq oqarpoq nutaarsiassaqartitsivik AFP naapertorlugu.
Amerikamiut tusagassiuutaat NBC allappoq angut gas-imut illersuummik kiinnamut assiaqutilik aamma aaqanngitsumik isumaminik qaammallattartulimmik atortoq immaqa pujuliortartumik qaartartumeerisimasoq najuuttut puullaaqitinniarlugit. NBC New Yorkimi upalungaarsimatitanit paasisaminnik issuaapput.
Politiet menes ifølge NBC naapertorlugu politiit angut 165 centimeterit missaanni angissusilik 80 kiilullu missanni oqimaassusilik ujaaraat.
Qimuttuitsunut ikipput aniguillutillu
Ilaasut ajoqusersimasut arlallit eqqaasinermit aniguisimanerarneqarput qimuttuitsunut ikinermikkut, NBC allappoq. Assit ullut tamaasa ilaasartunit nunap iluani qimuttuitsoqarfimmi ulapiffioqisumi unittarfiup naqqani aajugunartumik inunnillu nunami uppeqqasunik assilisat takutippaat.
Brooklyn Amerikami illoqarfissuup New Yorkip immikkoortuisa tallimat ilagaat. Illoqarrfiup ilaata tiusaamanerpaagunartup Manhattan-ip kujammut kangisissuaniippoq.
Nunap iluani qimuttuitsup unittarfiat sumiiffimmi marlunngormat ullaakkut pisoqarfiusoq Brooklyn Bridge-p kujataaniippoq kilometerinik 7-t missaannik ungasissusilimmi.
Taanna ikaartarfiit pingasut Brooklyn-ip Manhattan-illu akornanniittut ilagaat.
