Norgemi arnat sisamararterutingajaat pinngitsaalineqarnikuusimasut
Norgemi arnat sisamarterutingajaat ikinnerpaamik ataasiarlutik pinngitsaalineqarnikuusimasut, norskit misissuinerata nutaap takutippaa.
Norskit nakuuserneq kingunerluutillu pillugit nuna tamakkerlugu ilisimasaqarfiata nalunaarusiaani tamanna erserpoq. Ilisimasaqarfik taanna aamma misissuisuuvoq.
- Nakuuserneq innarliinerlu Norgemi inuiaqatigiit akornanni suli ajornartorsiutaaqaat, ilisimatusartut misissuinerminni nalunaarusiaminni norskit inatsiseqarnermut ministeriannut, Emilie Enger Mehlimut, ullaaq manna tunniussaminni allapput.
Arnat 2.100-t angutillu 2.195-it misissueqqissaarinermi apersorneqarput.
Misissueqqissaarineq tutsuiginartuuniaqqullugu apersorneqartut 18-it 74-illu akornanni ukioqartuusut inuit allattorsimaffianniit taamungaannaq toqqagaapput.
