Norgemiut svenskillu SAS-ip timmisartuini aquttut isumaqatigiissitsiniartartoq ataatsimeeqatigigaat

Norgemiut SAS-imi timmisartumi aquttuisa sinniisaasa isumaqatigiissitsiniartartoq arlaannaanulluunniit atassuteqanngitsoq ataasinngornermi ataatsimeeqatigissavaat.

Ataatsimiinnermi timmisartumi aquttut sapaatip akunnerani suliumajunnaaqqaneranni killiffiannik paasiniaanissaq tunngaviuvoq.

SAS Norge Flyverforeningen norskit TV 2-annut oqartoq, nutaarsiassaqartitsivik NTB allappoq.

- Isumaqatigiissitsiniartoqarunnaarlunilu isumaqatigiinniartoqarunnaarpoq, kisianni Teamsikkut iluatungeriit sumi inissisimanerannut killiffik pillugu ataatsimiinnerulluni, Jan Levi Skogvang oqarpoq.

- Svenskit illuatungerisat assingusumik ilaatigut ataatsimeeqatigineqareerput.

Timmisartumi aquttut suliumajunnaartut

Ritzauip Dansk Pilotforening danskit timmisartumi aquttui isumaqatigiissitsiniartartumi assingusumik ataatsimiissimanersut apeqquteqarfigaa.

Danskip timmisartumi aquttuisa peqatigiiffiata siulittaasuata, Henrik Thyregodip ataatsimiigiaqquneqarsimannginnertik sms-ikkut allappaa.

Isumaqatigiissitsiniartartoq arlaannaanulluunniit attuumassuteqanngitsuuvoq, taanna aaqqiagiinngitsoqaraangat sulisut sulisitsisullu isumaqatigiissuteqarnissaanut ikiuiniartartuuvoq.

SAS-ip timmisartumilu aquttut akornanni nutaamik suli isumaqatigiissusiornissaq iluatsinneqanngilaq. Tamannalu pissutigalugu timmisartumi aquttut suliumajunnaarput.

Ullormut 90 millioninik annaasaqartoq

Norskit timmisartumi aquttuisa peqatigiiffiannit Jan Levi Skogvangip isumaqatigiinniarnermut atatillugu SAS-imik nutaamik tusagaqarsimanani oqaatigaa.

Taassuma norgemiut timmisartumi aquttuisa SAS timmisartumi aquttunut attaqartuussasoq illuatungaanuunngitsorlu isumaqartut oqaatigaa.

- SAS matuersaammik tigummiaqartuuvoq, uungalu akissaqarunik taava ajunngilaq, Jan Levi Skogvang oqarpoq.

SAS-ip timmisartumi aquttut timmisartuussinnginneranni ullormut 90 millionit koruunit annaasarai nalilerneqarpoq.

Timmisartumi aquttut sapaatip akunnerani ataatsimi suliumajunnaaqqaneranni annaasat 600 millionit koruuniussangatinneqarput.