Nukissiorfiit: Tasiilami erngup nukinganik nukissiorfiup sarfalersuinera annikillineqarpoq

Erngup nukinga atorlugu nukissiorfik Tasiilarmiunik sarfalersuisoq, septembarip naalernerani piteqqamit akornuserneqarpoq. Tasiilarmiulli sarfaarunnissartik ernumassutigissanngikkaat Nukissiorfiit KNR-imut ilisimatitsipput.

Tasiilami piterarnerata nalaani orpikkat plastikkillu erngup nukinganik nukissiorfiup kaavittorsuinut pulararsimammata piiagassaallutillu, nukissiorfiup nukissiornerata affaa sinnerlugu annikillisinneqarpoq.

- Taamaaliorpugut sillimaniarneq nukissiuutillu tamakkiisumik ingerlaleqqinnissaat qulakkeeqqaarumagatsigit, Nukissiorfimmi immikkoortortami pisortaq Jan Zachariassen oqarpoq.

AAMMA ATUARUK Mikkel Bianco: Piterarmat sarfaarukkatta annilaangaleraluarpugut

Erngup nukinganik nukissiorfik Tasiilamik pilersuisoq nukissiorfimmit dieselitortumit ikorfartorneqarpoq, tamatumalu saniatigut illoqarfimmi sarfaaruttoqassagaluarpat piareersimasunik generatoreqartoq Jan Zachariassen oqarpoq.