Nunarsuatsinni coronamik tunillagaasut sapaatit akunneranni aatsaat taama amerlatigisut
Nutaarsiassaqartitsiviup AFP-p, nunani tamalaani peqqinnissaqarfiit kisitsisaatai aallaavigalugit nalunaarsugaani tamanna atuarneqarsinnaavoq.
Kisitsisilli aamma nalorninartortaqarput.
Nunammi assigiinngitsut misissuinerat assigiinngisitaarpoq, misissueriaatsillu aamma assigiinngisitaarlutik.
Danmark assersuutissaqqippoq. Naammi nunani annerpaajunngikkaluarluni misissuiffiunerpaat ilaanniippoq.
Naak coronap nunani tamalaani sapaatit-akunnerata kingulliup ingerlanerani aatsaat taama tuniluutsigineranik nalunaarsuisoqarsimagaluartoq, coronamit toqquteqartut ataatsimut isigalugu ikiliartorput.
Coronamimmi sapaatit-akunnerini kingullerni pingasuni toqquteqartut ataatsimut isigalugu ikiliartormata.
Nappaammit ullormut toqquteqartut nunani tamalaani sapaatit-akunnerata kingulliup ingerlanerani aggguaqatigiissillugu 6450-iusarput, siorna 2020-mi oktobarimili aatsaat taama ikitsigalutik.
