Nunat pissaanilissuit tallimat qaartartunik atomitalinnik sorsuutissanatik neriorsoqatigiittut

Nunat atomitalinnik qaartartuuteqarlutik pissaanilissuit tallimat qaartartut atomitallit siaruatsaaliornissaannik taavalu aamma qaartartut atomitallik atorlugit sorsuttoqanngisaannassasoq neriorsoqatigiipput.

Nunat tallimat taakkua ataatsimut taama nalunaaruteqarput.

- Qaartartunik atomitalinnik atorlugu sorsunneq ajugaasoqarsinnaanngitsoq, taamatullu sorsunneq aallartinneqanngisaannassasoq nalunaarutigaarput, Ruslandip præsidentiata allaffianiit nalunaarut naapertorlugu Frankrigip, Tuluit Nunaata, USA-p, Ruslandip Kinallu ataatsimut nalunaarutaanni allassimavoq.

Naalagaaffiit taakkua pissanillit tallimat atomitalinnik qaartartuuteqarnermikkut nunarsuatsinni pissaaneqarnerpaapput.

- Sakkut atomitallit atorneri kinguneqassaqimmata, tamakkua - pigineqartillugit - illersornissaannarmut taavalu qaasunnermik akiuinermut sorsutsaaliuinermullu taamaallaat atorneqassasut erseqqissaatigaarput, taakkua oqaaseqaammi allapput.

Nunat tallimat isumaqatigiissutaata nunani tamalaani najummassimanartorsiornerit ikinnerulersissagaat, Rusland neriuppoq.

Ruslandip USA-llu akunnerminni pissusiat piffissami kingullermi najummassimanarpoq. Tamanna ilaatigut Ruslandip sakkutuuminik tuusintilikkaanik Ukrainimut killeqarfimmi katersuutsitsisimaneranik peqquteqarpoq.

Ruslandip nunamik tiguaaniarnissaa nunat killiit amerlasuut aarleqqutigaat.

Ruslandip Ukraine tiguarniassappagu, USA qisuarialertorumaartoq, USA-p præsdidentia, Joe Biden, nalunaarnikuuvoq.

/ritzau/Reuters