Nunatta avaannaani Nuummilu assakaasut quasattorsiutit maajip 15-iat ilanngullugu atorneqarsinnaasut
Kalaallit Nunaanni Politiit Avannaata Kommuniani, Kommune Qeqertalimmi Qeqqata Kommunianilu assakaasut quasattorsiutit maajip ulluisa 15-iat ilanngullugu atorneqarsinnaanissaanut immikkut akuersissuteqarput.
Aasianni assakaasut quasattorsiutit maajip ulluisa 15-iat ilanngullugu atorneqarsinnaapput.
apriilip 28-at 2022 16:44
Assakaasut quasattorsiutit nalinginnaasumik maajip aallaqqaataaniinni taarserneqareertussaasaraluarput, nunattali avannaani aqquserngit suli quasarsinnaapput.
Taamaammat Kalaallit Nunaanni Politiit Avannaata Kommuniani, Kommune Qeqertalimmi, Qeqqata Kommuniani Nuummilu assakaasut quasattorsiutit maajip ulluisa 15-iat ilanngullugu atorneqarsinnaanissaanut immikkut akuersissuteqarput.
Kalaallit Nunaanni Politiit tusagassiuutinut nalunaarummi taama allapput.
Kommunini illoqarfinnilu allani assakaasut quasattorsiutit kingusinnerpaamik maajip ulluisa aallaqqaataani taarsereersimassapput.
