Nunavummiut eqqumiitsuliaat Nuummi saqqummersinneqartut
Eqqumiitsuliat saqqummersinneqartussat, Canadami eqqumiitsuliortut sullivianni tusaamaneqarluartumi, Kinngait-imi suliaapput, taanna tuluttut Cape Dorsetimik taaguuteqarpoq Nunavummiilluni.
Saqqummersitsineq illoqarfiup Cape Dorsetip taaguutaanik taaguuteqartinnneqarpoq, saqqummersitallu apriilip ulluisa 30-ata tungaanut Nuummi Eqqumiitsulianik Katersugaasivimmi Nuuk Kunstmuseumimi takuniarneqarsinnaapput.
Eqqumiitsuliortut sulliviat Kinngait 1959-imii atulerpoq, tassanilu Canadami eqqumiitsulianik suliat annertunersaat naqinneqarlutik suliarineqartarlutik.
Eqqumiitsuliat Nuummi Eqqumiitsulianik Katersugaasivimmi Nuuk Kunstmuseumimi takuneqarsinnaasut ilaatigut tassaapput, issittumi uumasut, pinngortitaq aamma atisat, taakkuupput eqqumiitsulliani sammineqartartut, eqqumiitsuliat Cape Dorsetimeersut ilisarnaatigisartagaat.
Eqqumiitsuliat Cape Dorsetimi suliat tamarmik eqqumiitsuliortunit marlunnit suliaapput. Eqqumiitsuliortoq ataaseq naqiterinikkut assilissassamik titartaasuusarpoq. Titartakkat sorliit naqiterinikkut assilisassatut piukkunnarnerpaanersut sullissivimmi Kinngaitmi sulisunit alajangerneqartarluni, Nuuk Kuntsmuseum nittartakkamini taama allappoq.
