Nunavummi nunaqarfik Kangertugaapik ajornartoorfiusutut nalunaarutigineqartoq
Nittaalartalimmik anorersuarmat, ilaatigut lastbiilit imermik assartortut apuussinnaanngillat.
Nunavummi nunaqarfimmi Kangertugaapimmi ulluni arlalinni nittaalartalimmik anorersuarpoq.
Allattoq Marianne Stenbæk, Montreal, Canada
februaarip 13-at 2022 19:01
Nutserisoq Ivik Kristiansen
Nunavummi nunaqarfik Kangertugaapik ajornartoorfiusutut nalunaarutigineqarpoq.
CBC News taama allappoq.
Nunaqarfik aputilerujussooreersoq ulluni pingasuni nittaalartalimmik anorersuarfiuvoq.
Aputaajaat ataasiinnaq ingerlasinnaavoq, taannali nunaqarfiup mittarfittaaniittariaqarpoq. Taamaammat nunaqarfimmi aputaajaasoqarsinnaanngilaq, aputillu illorpassuit qaliaat anguaa.
Nunaqarfimmi biilernissaq ajornarluinnarpoq. Taamaammat lastbiilit imermik assartortut apuussinnaanngillat, eqqakkallu aaneqarsinnaanatik. Nunaqarfimmi najugallit pisumi ulorianarsinnaasumi isersimasariaqarput.
