Nuummi ikuallattoq qaminneqartoq: Inuit marluk napparsimmavimmut unitsinneqarput
Nuummi blok 8-p ikuallannerani ajunaartoqanngilaq.
Politiit inissiami inuit marluk isersimaffigisaanni ikuallattoqarnera pillugu sisamanngornermi nalunaaqutaq 13:26 kalerrinneqarput.
februaarip 24-at 2022 15:02
Nuummi inissiami blok 8-mi ikuallangaatsiartoqarpoq.
Politiit inissiami inuit marluk isersimaffigisaanni ikuallattoqarnera pillugu sisamanngornermi nalunaaqutaq 13:26 kalerrinneqarput.
Inuit marluk Dronning Ingridiup Napparsimmavissuanut unitsinneqarput, taakkuli qanoq innerat oqaatigineqarsinnaanngilaq. Ikuallattoqarneranili ajunaartoqanngitsoq, politiit paasissutissiipput.
Ikuallanngaatsiartoqarnera pissutigalu inissiat inissiamut ikuallattumut qanittumiittut aamma ajoquserneqartut, Kalaallit Nunaanni Politiit pigaartuat, Preben Kleist KNR-imut oqarpoq.
Ikuallanngaatsiartoqarnera imaluunniit qanoq ikuallalersimanera pillugu politiit annerusumik oqaaseqarsinnaanngillat.
