Nuummi sanasut februaarimi issittumi sulisariaqartut: Naammagittarsinnaasariaqarpoq

Februaari ukioq manna issingaatsiarpoq, tamannalu nalinginnaalluinnarpoq, qaammammi taanna issinnerpaasarpoq.

Kisianni nalinginnaasumit issinnerulaarpoq. Tamannalu ukiuni qulini kingullerni februaarip qaammataani issinnerpaavoq. DMI-mi silasiortoq, Trine Pedersen oqarpoq.

Februaarimi agguaqatigiissillugu -13,1 gradimik issittartoq nassuiaatigaa. Agguaqatigiissillugu kiassuseq kiannerpaaffigisartagaa issinnerpaaffigisartagaalu atorlugit uuttortarneqartarpoq.

Februaarimili issinnera qaqutigoortuunngilaq. Februaarimi issinnerpaagami -19,7 gradimik issinnikuuvoq, tamannalu 1984-imi uuttorneqarnikuulluni.

Nuummi februaarimi issinnera sanasut malugisinnaalluarpaat. Tamanna Storm Motzfeldtip oqaluttuaraa:

- Assut naammagittarsinnaassuseqaruloortariaqarpoq.

Qiulertarpisi?

- Ija! ullut ilaanneqartarpugut sulinerput ingerlatiinnarniarlugu ilaanni skur-imut iseqattaarluta kissasseriartulaaqattarlutaluunniit.

- Arlaqarput, tas taamaasilluta taava isaasalerlugu tiiminik annaasaqarlutalu isertitassatsinnik anaasaqarpugut, kisiat tassa allatut ajornartumik silaqqitsillugu weekendtini arfininngorneq sapaallu suliinnartariaqartarpugut ulluinnartuulli, Storm Motzfeldt oqarpoq.

Qanoruumi ilanngutassiaq qulaani takuneqarsinnaavoq.