Mogadishumi akunnittarfimmi saassussisoqarnerani inuit 20-nit ikinnerunngitsut toqutaasut

Mogadishumi akunnittarrfimmi Islamit sakkutuui akunnittarfimmiittunik aattalimmik ippassaq tiguaammata Somaliami isumannaallisaanermut sakkutuut akuliuttariaqalersimapput.

Sakkutuut immikkut pikkorivissunngorlugit sungiusakkat akunnittarfiup illutaanut isaasariaqarsimapput al-Shabaadit sakkutuuisa ilaat al-Qaeamut attavillit tigusaralugit.

Islamit sakkutuui akunnittarfimmi tassani nalunaaquttap akunnerini 30-ni tiguaaqqasimasut, inuit 21-t toqutaasimasut 120-llu ikiligaasimasut, Somaliamiut peqqissutsimut ministeriat Ali Haji Adan oqarpoq.

AAMMA ATUARUK Naalagaaffiit Peqatigiit Somaliami kaannersuaqarnera aarlerisaarutigigaat

Akunnittarfimmut nuannarineqarluartumut saassussisut tallimanngormat unnukkut isaasimapput, taassanilu qaartartumeeriitigalutik siallertuusitsiinnarlutik eqqaarsarinnillutik.

Qunusiarinnillutik pinngitsunik toqoraaniartartoqatigiit Al-Shabaabikkut Afrikami pinerliiniartartutut naakkittaannerpaatut isigineqartuupput.

Naalagaffiit Peqatigiit tassa FN-p kisitsisaatai naapertorlugit Somaliami inuit millionilikkaat ulluni makkunani qimaajuarput, taamaattuarallarnissaalu ilimagineqarpoq.