Palæstinamiut sakkutuutut pissusilersortut siuttuat israelimiut sakkutuuinit toqutaasoq
Israelimiut sakkutuuisa palæstinamiut sakkutuutut pissusilersortuisa, Jihadit sorsuffimmi kommandøriat Gazami angerlarsimaffimmini marlunngornerup unnuaani toquppaat.
Illuatungeriit atorfilittaat tamarmik taama paasissutissiipput.
Ikinnerpaamik ataaseq tassa arnaq aamma toqutaavoq allallu marluk ikilerneqarlutik.
Sorsuffimmi kommandørimut Baha Abu Al-Attap angerlarsimaffianut saassussisoqarnerata kingunitsianngua palæstinamiut Israelimut rakettinik eqqaassisut, takunnittut oqaatigaat.
Israelimiut tungaanniit toqutaasoqarsimanersoq piffissami matumani suli nalunaarutigineqanngilaq.
Jihadip akiniaanissani siorasaarutigigaa
Israelimi ministeriunerup Benjamin Netanyahup Al-Attamut saassussisoqarnissaa akersissutigisimagaa israelimiut sakkutuuisa nalunaaruteqarnerminni paasissutissiissutigaat.
Jihadip nalunaarutaa naapertorlugu Jihad kommandørip toqutaaneranut akiaanissamik siorasaarivoq.
Jihad tassaavoq islamisiortut sakkutuutut pissusilersortut taakkulu iranimit tapersersorneqarput.
Baha Abu Al-Attap toqutaanera palæstinamiut partiianut Israelimut sakkunik atuinnginnissamik 2014-imili attassiniarsarisumut, Hamasimut nutaamik unammillernartuulissaaq.
/ritzau/Reuters
