Pape isornartorsiorneqareerluni: Kalaallit Nunaannik suleqateqarluarsinnaassallunga naatsorsuutigaara
Konservatiivit partiianni siulittaasup Søren Pape Poulsenip ministeriuninngoruni Kalaallit Nunaannik suleqateqarluassanerarpoq. Taanna DR-imut taama oqarpoq.
Taanna ulluni kingullerni isornartorsiorneqarpoq, folketingemut ilaasortap Aaja Chemnitzip oqarnera naapertorlugu, Kalaallit Nunaat Afrika sikumiittutut Papep taasimammagu.
- Oqaatsit imaluunniit oqaasertalersuinerit pillugit oqaasissalerujussuusinnaavugut, aamma oqaluuseralugit aallartissinnaavut ukiorparujussuarni meerarpassuit atornerlunneqartarsimanerat, tamannalu kusanaatsorujussuuvoq,Konservatiivit siulittaasuat DR-mut taama oqarpoq.
Suleqatigiilluarnissaq takujuminaatsoq
Naalakkersuisut siulittaasuata Múte B. Egedep Søren Pape Poulsen isornartorsiorpaa oqarluni, suleqatigiilluarnissaq takujuminaatsillugu Søren Pape Poulsenip oqaatigisai tunngaviusumik isummerneruppata
Søren Pape Poulsenip erseqqissaatigaa,Folketingemut qinersinerup kingorna Múte B. Egede aamma Aaja Chemnitz oqaloqatigissallugit.
Tamannalu Aaja Chemnitzilu isumaqatigiissutigisimallugu Søren Pape Poulsen DR-imut taama oqarpoq
