Persuttaasunik takunnissimasinnaasunik Nuummi politiit ujaasisut

Inuit tallimat Nuummi illoqarfiup qeqqani imerniartarfiup Maximutip silataani inummik persuttaasut Nuummi politiit arfininngormat nalunaaqutaq 21.47 nalunaarfigineqarput.  

Persuttarneqartoq inunnit tallimanit ajanneqarluni uppissimasoq annersarneqarlunilu isimmittarneqarsimavoq.

Kalaallit Nunaanni Politiit persuttaanermik takunnissimasinnaasunik ilisimannissimasinnaasunillu ujaasillutik tusagassiuutinut nalunaaruteqarnerminni taama allapput.  

Biili Jeep qernertoq persuttaanerup nalaani assiaqutigineqarsimasinnaasoq persuttaaffiup nalaaniippoq. Biili persuttaaffiusumiit ingerlammat persuttarneqarsimasoq ilaasimanersoq ilisimaneqanngitsoq politiit allapput.   

- Politiit persuttaaffiusumut apuummata politiinut saaffiginnittoqanngilaq. Taamaattumik maajip 28-ni 2022 nalunaaqutaq 21:47 imerniartarfiup Maximutip silataanissimasumik persuttaanermillu takunnissimasinnaasumik pisumulluunniit tunngatillugu ilisimanngittumik politiit ujaasipput.  

Takunnissimasinnaasut Nuummi politiinut saaffiginnissinnaapput 70 14 48-mulluunniit sianerlutik.