Polenip, Tjekkiap aamma Sloveniap siuttui Kyiviliarput

Polenip, Tjekkiap aamma Sloveniap ministeriuneri marlunngornermi Ukrainep præsidentia Volodymyr Zelenskyj ataatsimeeqatigiartorlugu Kyiviliarput. Polenimi nalakkersuisut taama nalunaruteqarput.

Ukrainep illoqarfiisa pingaarnersaata russinit saassunneqqaqqinnerata toqusunik nassataqartup nalaani pivoq. 

Marlunngornermi ullaannguaq illorsuit najugaqarfiit arlallit qaartartunit eqqorneqarput. Ikinnerpaamik sisamat toqutaapput, qanorlu amerlatigineri nalunartut ikiligaallutik, illoqarfiup borgmesteriata allaffeqarfia nalunaarpoq.

Naalakkersuisut siulittaasui taakku pingasut "Det Europæiske Råd-imut sinniisutut" Ukrainemukarput, tikeraarnerallu annertuumik takussutissatut naleqarpoq.

Nunarsuarmiunut avatangiisinut sakkortuumik anguniakkanik takutitsineq 

DR-ip  nunat allat pillugit tusagassiortua Steffen Gram taama naliliivoq.

- Europamiut nalaakkersuisuisa siulitaasui pingasut qimuttuitsunik Kyiviliarnerat sakkortuumik anguniakkanik takutitsineruvoq. Taamalu EU-p tapersersuineranik erseqqissaasuulluni. 

Naalakkersuisullu siulittaasui taakku pingasut tassa Kyivimut pipput ulloq illoqarfiup arlaleriarluni saassunneqarnerata eqqorneqarneratalu nalaani.

Illoqarfiillu pingaarnersaanni pissutsit najummassimanarput DR-ip tusagassiortua aallartitaq Puk Damsgård oqaluttuarpoq.

- Tassami ullaaq manna illoqarfiup qeqqanut qanittunnguami saassussisoqarpoq. Oqartariaqarpungalu silaannaq sorsunnerup tikkanik ulikkaartoq. Paassarsunnersuaq, saviminersunnersuaq. Sigaartaassuillu kalerrisaarutit imaaginnavipput.

AAMMA ATUARUK EU Ruslandimut nutaamik kinguneqartitsinermi mattussinissanik piareertitaqartoq

Kyivip borgmesteria nalunaarpoq marlunngornermi illoqarfiit pingaarnersaani nalunaaquttap akunnerini 36-ni aneqqusaajunnaarneq atuutilissasoq.  

Unnugu atuutilissaaq. Inuillu akornanni nanertisimaneq malunnaqaaq, Puk Damsgård oqalutuuarpoq.

- Nanertisimanarpoq sorsuppalunneq nipitoqimmat. Illoqarfiup killinnguani sakkuaanneq tusaaneqarsinnaavoq.