Politiit Aasianni pisumut tunngatillugu: - tigusarinninngilagut
Angut inuusuttoq Aasianni toqungasoq sapaatit akunnerata naanerani nassaarineqarpoq.
Kalaallit Nunaanni Politiit suliaq angutip inuusuttup ukiukinnera pissutigalugu tamanna "pasinartoqarneraraat", Sermitsiaq.AG ippassaq allappoq.
Angutip timaa misissorneqassaaq. Pisumut atatillugu tigusarinnittoqanngitsoq, misissueqqissaartartut aqutsisuat, Julie Senderovitz KNR-imut oqarpoq.
- Pisoq pillugu oqaaseqarsinnaanngikkallarpugut, misissuileruttorpugut, misissueqqissaartut aqutsisuat Julie Senderovitz KNR-imut oqarpoq.
Toqusup timaanik misissuisartumik Aasiannukartoqassaaq. Toqusup timaanik misissuisartumik Danmarkimeersumik maanna Nuummiittoqarpoq, taanna angummut 58-inik ukiulimmut, Arsummi sapaatip akunnerani matumani siusinnerusukkut nassaarineqartumut atatillugu suliami ikiuuppoq.
Suliamut tassunga atatillugu angut 45-nik ukiulik tigummigallarneqarpoq, toqutsisutullu pasineqarluni. Taanna sisamanngormat sassartinneqarpoq ullunilu 28-ni tigummigallarneqartussanngortinneqarluni.
Ukioq manna arfinilissaat
Suliaq matuni matoqqasuni ingerlanneqarpoq, politiillu piffissami matumani annerusumik paasissutissiisinnaanngillat.
58-inik ukiulik toqutaasorineqarsorineqartoq ukioq manna toqutsinerit imaluunniit nakuusernerup kingunerani toqusut arfinilissaraat. Ukiumut toqutsinerit agguaqatigiissillugu tallimaasartut, Ritzau allappoq.
Ukioq manna toqutsinerni siulleq ukioq manna ullormi siullerpaami pivoq. Taamani 18-inik ukiullip ataatani 42-inik ukiulik Tunumi Sermiligaami peqqarniitsumik nakuuserfigalugu toquppaa. Erniusoq tamanna pillugu pineqaatissinneqarluni eqqartuunneqarpoq.
Ullualuit qaangiuttoq angut 48-inik ukiulik Tasiilami inissiami toqungasoq nassaarineqarpoq, arnarlu 41-nik ukiulik pasineqarluni tigusarineqarpoq.
Angut 57-inik ukiulik Niaqornani qoorortuumik aallaaneqarluni januaarimi toqutaavoq, tassani tigusarinnittoqarlunilu toqutsisutut pasinnittoqarpoq.
Arnaq 56-inik ukiulik Sisimiuni toqungasoq marsimi nassaarineqarpoq, angut inuusunnerusoq pasineqarlunilu tigummigallarneqarpoq.
Tasiilami apriilip ulluisa 26-anni allamik aamma toqutsisoqarpoq. Tassani 30-nik ukiulik toqutaavoq. Angummi tassani tigusarinnittoqarlunilu tigummigallaasoqarpoq.
