Politiit angut Qasigiannguani qimaasimasoq ujaarigaat
Kalaallit Nunaata Politiivisa 27-nik ukiulik Henrik Frederiksen eqqartuussivimmi sassartinneqareerluni ullunilu 28-ni tigummigallarneqartussaalluni Qasigiannguani isertitsivimmit sisamanngormat nalunaaqutaq 22.00-ip tallimanngormallu nalunaaqutaq 07.20-ip akornanni qimaasoq ujaaraat.
Billede af Henrik Frederiksen. Foto: Grønlands Politi.
Politiit tusagassiuutinut nalunaarummi taama allapput.
Henrik Frederiksen kalaallisut isikkoqartoq, 180 centimeterit 190 centimeterillu akornanni angissuseqartoq, timaa nalinginnaasuunngikkuni nerinnalaartoq qernertunillu naatsunik nujaqartoq politiit allapput.
Qernertumik singittartulimmik tujuuloqarpoq, qernertumik qaqortumik allannertalimmik tujuuluaraqarluni, qernertunik qarleqarluni qernertunillu kamippaqarluni.
Henrik Frederiksen takusimagukku imaluunniit sumiinnera pillugu paasissutissiisinnaaguit Kalaallt Nunaata Politiivi oqarasuaammut 701448-mut attavigissavatit.
Henrik Frederiksenip qimaaneranik politiiniilluunniit toqqoqqaniarsarinissaanik ikiuisut pineqaatissinneqarsinnaasut politiit aamma allapput.
